ប្រែសម្រួលដោយ៖ សយ សុភា បាងកក៖ នាយករដ្ឋមន្រ្តីថៃ លោកស្រី យីងឡាក់ ស៊ីណាវ៉ាត្រា នៅថ្ងៃព្រហស្បតិ៍នេះ បានសច្ចាថា នឹងនៅតែតស៊ូដ៏ស្វិតស្វាញជាមួយនឹងវិបត្តិទឹកជំនន់ដែលបណ្តាលឱ្យមនុស្សស្លាប់ បើទោះបីជាមានការរិះគន់ចំពោះចំណាត់ការរបស់លោកស្រី ទៅនឹងគ្រោះមហន្តរាយនេះ យ៉ាងណាក្តី។ លោកស្រីបានថ្លែងប្រាប់អ្នករាយការណ៍ព័ត៌មាន នៅពេលដែលមានការសាកសួរថាតើលោកស្រីពិចារណាអំពីការលាលែងពីតំណែងដែររឺយ៉ាងណានោះ ថា “ពលរដ្ឋគាំទ្រខ្ញុំ ហើយបានបោះឆ្នោតឱ្យខ្ញុំ អីចឹងហើយខ្ញុំត្រូវតែបន្តការងាររបស់ខ្ញុំ ឱ្យពីកម្លាំងកាយកម្លាំងចិត្តតាមសមត្ថភាពរបស់ខ្ញុំ”។ នេះបើយោងតាមគេហទំព័រ Channel NewsAsia ដែលផ្សាយនៅថ្ងៃព្រហស្បតិ៍នេះ។ ទឹកជំនន់ ដែលបង្កឡើងដោយទឹកភ្លៀងមិនទៀងទាត់ ជាច្រើនខែមកនោះ បានសម្លាប់មនុស្សប្រមាណ៥៣៣នាក់ និងធ្វើឱ្យខូចខាតផ្ទះសម្បែងនិងប្រជាពលរដ្ឋ រាប់រយខ្នងនិងរាប់លាននាក់នៅទូទាំងប្រទេស។ ទឹកជំនន់ បានស្រកតិចៗ នៅក្នុងកណ្តាលរាជធានីបាងកក ទីដែលមានប្រជាជនប្រមាណ១២លាននាក់ បានធ្វើឱ្យខូចខាតដល់ផ្លូវនានា និងគំរាមកំហែងដល់បណ្តាសណ្ឋាគារប្រណិតៗ ព្រមទាំងផ្សារទំនើបៗផងដែរ។ ក្នុងដំណើរបំពេញទស្សនកិច្ច ទៅកាន់ទីតាំងជម្រក ដែលត្រូវបានធ្វើសម្រាប់ជនរងគ្រោះ នៅក្នុងសង្កាត់ឆាតុឆាក់ នៃរាជធានីបាងកក លោកស្រី យីង ឡាក់ បានសុំការយោគយល់ពីសាធារណជន។ លោកស្រីបន្តថា “អ្នករាល់គ្នា ធ្វើការយ៉ាងអស់ពីសមត្ថភាព។ វាគ្រោះធម្មជាតិដែលបណ្តាប្រទេសនានា ខកខាននៅមិនរាំងខ្ទប់នោះឡើយ”។ “ខ្ញុំចង់ស្នើឱ្យមានការអាណិតអាសូរដល់មន្រ្តីទាំងអស់ដែលខិតខំធ្វើការក្នុងសម្រួលទឹកដែលជន់លិច ហើយសម្រាប់ខ្លួនខ្ញុំផ្ទាល់ក៏នឹងបំពេញការងារឱ្យពីសមត្ថភាព និងស្តាប់យោបល់នានាផងដែរ”។ [...]
ប្រែសម្រួលដោយ សយ សុភា កូឡាឡំាពួរ៖ សាជីវកម្មធនធានម៉ាឡេស៊ី គ្រោងនឹងស្ថាបនា លំនៅដ្ឋានដែលលៃលកបានសម្រាប់អ្នកមានជីវភាពមធ្យម ជាផ្នែកនៃគម្រោងរបស់ខ្លួននក្នុងការបម្រើដល់ពលរដ្ឋប្រាក់ចំណូលកណ្តាល។ នេះបើយោងតាមការឱ្យដឹងរបស់នាយកប្រតិបត្តិ លោក មហាម៉េដ រ៉ាហ្ស៊ីគ ហ៊ូសេន ដែលបានថ្លែង នៅថ្ងៃព្រហស្បតិ៍នេះ។ ទីភ្នាក់ងារព័ត៌មានម៉ាឡេស៊ី ប៊ែណាម៉ា រាយការណ៍ឱ្យដឹងនៅថ្ងៃព្រហស្បតិ៍នេះថា លោកមហាម៉េដ អះអាងថា ក្រុមហ៊ុនរបស់លោក ដែលគាំទ្រដោយរដ្ឋាភិបាលម៉ាឡេស៊ី នោះ មានវិធីល្អៗដើម្បីជួយពលរដ្ឋដែលមិនសូវមានចំណូលខ្ពស់។ លោកបានថ្លែងប្រាប់ក្រុមអ្នករាយការណ៍ព័ត៌មាន បន្ទាប់ព្រឹត្តិការណ៍មួយស្តីពីការទទួលខុសត្រូវសង្គមរបស់ក្រុមហ៊ុនថា “យើងគាំទ្រផែនការផ្ទះសម្បែង និងគ្រោងការរាប់បញ្ចូលទាំងផ្ទះសម្បែងនានា នៅក្នុងគម្រោងរបស់យើងនាពេលឆាប់ៗខាងមុខនេះ។ យើងសង្ឃឹមថា នឹងទទួលបានអនុញ្ញាតិ និងជំនួយពីរដ្ឋាភិបាល”។ ក្រៅពីនេះ លោក មហាម៉េដ បានថ្លែងបន្តថា ក្រុមហ៊ុនបានធ្វើការជាច្រើនសម្រាប់ប្លុកចំនួនពីរ ជាខន់ដូ នៅឯសិនត្រាល់កូឡាឡាំពូរ។ គេស្គាល់ថា ជាពលរដ្ឋនៅប្លុកសិនត្រាល់ ជាទីដែលគម្រោងទទួលបានការឆ្លើយតបយ៉ាងល្អប្រសើរពីសាធារណជន។ “យើងស្ទើតែលក់អស់ទៅហើយផ្ទះសម្បែងនៅប្លុកទី១ ហើយនៅពេលដែលយើងបើកប្លុកទីពីរ (សម្រាប់កក់) វាលក់ឆាប់ដាច់ណាស់”៕
ប្រែសម្រួលដោយ៖ សយ សុភា ចាឡាឡាបាដ៖ មន្រ្តីយោធាអាមេរិកនិយាយនៅថ្ងៃអាទិត្យទី១១ ខែកញ្ញា ឆ្នាំ២០១១ថា អ្នកធ្វើអត្តឃាតដោយគ្រាប់បែកម្នាក់ ដែលបើករថយន្តបំបុកជាមួយទីតាំងមួយកន្លែងរបស់ណាតូនៅក្នុងប្រទេសអាហ្វហ្គានីស្ថាន បណ្តាលឱ្យមនុស្ស៨៩នាក់រងរបួស ក្នុងនោះមានទាហានអាមេរិកាំងចំនួន៥០នាក់ផងដែរ។ គេហទំព័រ Channel News Asia ឱ្យដឹងនៅថ្ងៃអាទិត្យនេះថា ក្រុមតាលីបង់ បានចេញមុខទទួលខុសត្រូវរបស់ពួកគេតាមអ៊ីនធើណែត ចំពោះការវាយប្រហារកាលពីថ្ងៃសៅរនេះ ដំណឹងនេះ លេចឡើងស្របពេលដែលពិភពលោកប្រារព្វខួបឆ្នាំទី១០ នៃការវាយប្រហារ១១ កញ្ញា ដែលសម្លាប់មនុស្សយ៉ាងតិចណាស់៣ពាន់ នៅសហរដ្ឋអាមេរិក។ អ្នកនាំពាក្យកងទ័ពអាមេរិក លោកវរៈសេនីយ៍ត្រី ដាវីត អ៊ីសប៊ើន បានថ្លែងថា ទាហានអាមេរិក៥០នាក់ និងពលរដ្ឋអាហ្វហ្គានីស្ថាន១៥នាក់ ស្ថិតក្នុងចំណោមអ្នករបួស។ លោកបន្តថា “វាកើតឡើងនៅម៉ោង៥ ១៥លា្ងចថ្ងៃសៅរ៍។ គេបង្កៃនៅមុខខាងច្រកប៉ុស្តិ៍ បន្សល់ប្រហោរលើជញ្ជាំងប្រមាណ៦ម៉ែត្រ”។ ការវាយប្រហារ១១កញ្ញា នាំឱ្យអាមេរិក លើកទ័ពទៅឈ្លានពានអាហ្វហ្គានីស្ថាន ដែលជាលទ្ធផលធ្វើឱ្យរបបតាលីបង់ ត្រូវផ្តួលរំលំនៅចុងឆ្នាំឆ្នាំ២០០១។
ប្រែសម្រួលដោយ សយ សុភា បាងកក៖ លោកស្រីនាយករដ្ឋមន្រ្តី យីនឡាក់ ស៊ីណាវ៉ាត្រា និងជំនួយការជំនិតរបស់លោកថាក់ស៊ីន បានបដិសេធយ៉ាងដាច់ណាត់ថា ទីកន្លែងស្នាក់អាស្រ័យរបស់លោកអតីតនាយករដ្ឋមន្រ្តីថៃ ថាក់ស៊ីន ស៊ីណាវ៉ាត្រា មិនច្បាស់នោះទេ កុំថាឡើយដល់ទៅស្នាក់នៅស្រុកខ្មែរ។ នេះបើយោងតាមការផ្សាយរបស់កាសែតបាងកកប៉ុស្តិ៍ ចេញផ្សាយថ្ងៃអាទិត្យទី២១ ខែសីហាឆ្នាំ២០១១។ ដោយត្រូវដកស្រង់សម្តីនៅកាសែតជាភាសាខ្មែរ ឈ្មោះភ្នំពេញប៉ុស្តិ៍ កាលពីម្សិលមិញថាលោកថាក់ស៊ីន បាននៅកម្ពុជាតាំងពីថ្ងៃសុក្រមកម្ល៉េះ។ ប៉ុន្តែទីប្រឹក្សាមួយរបស់សម្តេចតេជោ ហ៊ុន សែននិងមន្រ្តីក្រសួងការបរទេសខ្មែរ អ្នកទាំងពីរបានបដិសេធមិនបញ្ជាក់សេចក្តីការណ៍នោះទេ ដោយគ្រាន់តែនិយាយថា ថាក់ស៊ីន មានសិទ្ធិពេញទី ចេញចូលប្រទេសកម្ពុជា កន្លែងណាក៏បានឱ្យតែគាត់ចង់ទៅ។ លោកស្រីនាយករដ្ឋមន្រ្តី យីនឡាក់ ស៊ីណាវ៉ាត្រា ប្អូនស្រីរបស់ថាក់ស៊ីន បានបដិសេធសេចក្តីរាយការណ៍នោះដោយនិយាយថា “ទេ។ គាត់មិនបានទៅ(ស្រុកខ្មែរ)ទេ”។ ទីប្រឹក្សាច្បាប់របស់ថាក់ស៊ីន លោកណុប៉ាដុន ប៉ាតាម៉ា បាននិយាយថាអតីតនាយករដ្ឋមន្រ្តី ស្ថិតនៅក្នុងប្រទេសចិនទេ ហើយកំពុងត្រៀមខ្លួនធ្វើដំណើរទៅជប៉ុន ទីដែលលោកមានគម្រោងធ្វើបឋកថា និងទស្សនកិច្ចតំបន់ដែលរងគ្រោះដោយរលកយក្សស៊ូណាមិ នៅថ្ងៃ១១មិនាកន្លងមកនេះ។ លោកណុបប៉ាដុន បានបដិសេធ ព័ត៌មានថាលោកថាក់ស៊ីន បានធ្វើដំណើរទៅប្រទេសកម្ពុជាដោយនិយាយថា ក្រុមហ៊ុនអាកាសចរណ៍អាចបញ្ជាក់បានពីព័ត៌មាននេះ។ កាលដើមឡើយ លោកណុបប៉ាដុន បានថ្លែងថា លោកថាក់ស៊ីន [...]
ប្រែសម្រួលដោយ៖ សយ សុភា បាងកក ៖ គំរោងការបំពេញទស្សន កិច្ចប្រទេសកម្ពុជា ដោយអតីតនាយករដ្ឋ មន្ដ្រី ថាក់ស៊ីន ស៊ីណាវ៉ាត្រា សម្រាប់ការងារ ឯកជន បានគំរាមកំហែងដល់ការទម្លុះ ទម្លាយ នូវការប៉ុនប៉ងដោយរដ្ឋាភិបាលថ្មី ដើម្បីស្ដារទំនាក់ទំនងជាមួយនឹងទីក្រុង ភ្នំពេញ ខណៈដំណើរទស្សនកិច្ចរបស់ លោក ថាក់ ស៊ីន អាចធ្វើឱ្យសើរើឡើងវិញ នូវការ ចោទ ប្រកាន់ទំនាស់ផលប្រយោជន៍នានា។ មន្ដ្រីជាន់ខ្ពស់នៅក្នុងរដ្ឋាភិបាល កាលពី ថ្ងៃពុធ បានព្យាយាមមិនឱ្យរូបគេនិយាយ ពាក់ព័ន្ធទៅនឹងដំណើរទស្សនកិច្ចរបស់ លោក ថាក់ស៊ីន មកកាន់ប្រទេសកម្ពុជា នោះឡើយ ដោយគ្រាន់តែនិយាយថា អតីត នាយករដ្ឋមន្ដ្រីថៃរូបនេះ មិនមែនតំណាង របស់រដ្ឋាភិបាលថៃនោះ ។ កាសែត ឌឺណេសិន របស់ថៃ ចេញ ផ្សាយនៅថ្ងៃព្រហស្បតិ៍ ទី១៨ ខែ សីហា ឆ្នាំ ២០១១ ដែលបានដកស្រង់សម្ដីលោករដ្ឋ មន្ដ្រីការបរទេសថៃ ស៊ូរ៉ាពុង ទូវិជុកឆៃគុល [...]
ប្រែសម្រួលដោយ សយ សុភា អ៊ីរ៉ាក់ និយាយនៅថ្ងៃពុធនេះ ថាខ្លួននឹងបើកកិច្ចចរចារជាមួយរដ្ឋធានីវ៉ាស៊ីនតោន អំពីការបេសកកម្មហ្វឹកហ្វឺនកងទ័ព មានរយៈពេលរហូតដល់ចុងឆ្នាំ២០១១ ជាកំហិត។ វាស្ទើតែអស់រយៈពេល៨ឆ្នាំកន្លះ បន្ទាប់ពីការឈ្លានពានមួយដឹកនាំដោយសហរដ្ឋអាមេរិក ដែលបណ្តេញមេដឹកនាំផ្តាច់ការសាដាម ហ៊ូសេន ចេញពីអំណាចនិងកាត់ទោសប្រហារជីវិតដោយព្យួរក។ កាលបរិចេ្ឆទសំខាន់ៗ៖ ២០០៣ ២០មីនា៖ កងទ័ពដឹកនាំដោយស.រ.អ ចាប់ផ្តើមប្រយុទ្ធប្រឆាំងអ៊ីរ៉ាក់ ដែលពួកគេចោទប្រកាន់ថាមានលាក់ទុកអាវុធប្រល័យលោក។ ៩មេសា៖ កម្លាំងអាមេរិកផ្តួលរលំ រដ្ឋបាលសាដាម នៅរដ្ឋធានី បាដាត។ ១ឧសភា៖ ប្រធានាធិបតី ចច ដាប់ប៊លយូ ប៊ូស ប្រកាសបញ្ចប់ប្រតិបត្តិការប្រយុទ្ធដ៏ធំមួយ ដោយប្រើពាក្យស្លោកបដា “Mission Accomplished” ។ ២តុលា៖ អាមេរិក សារភាពថា អាវុធប្រល័យលោក រកអត់ឃើញ។ ១៦តុលា៖ សេចក្តីសម្រេចរបស់អ.ស.ប ធ្វើធម្មានុរូប (ធ្វើឱ្យស្គាល់ថាត្រឹមត្រូវតាមច្បាប់) ដល់ការឈ្លានពានដឹកនាំដោយអាមេរិក។ ១៣ធ្នូ៖ ចាប់ខ្លួនសាដាម។ ២០០៤ មេសា-សីហា៖ ការប៉ះទង្គិចរវាងកងកម្លាំងចម្រុះ និងកងជីវពលនៃក្រុមមេដឹកនាំរ៉ាឌីកាល់ ស៊ីអ៊ីដ លោក ម៉ុកតាដា អាល់សាដ្រ៍។ [...]
ប្រែសម្រួលដោយ សយ សុភា បាងកក៖ អតីតមេដឹកនាំគណបក្សប្រជាធិបតេយ្យ លោក ភិច្ឆ័យ រ័ត្នតាគល់ បាននិយាយថា នាយករដ្ឋមន្រ្តីជិតចេញពីតំណែង អាប់ភិស៊ីត វាចាជីវ៉ា គឺនៅតែមេដឹកនាំបក្សដ៏ល្អផ្តាច់គេ ប៉ុន្តែអាប់ភិស៊ីត ត្រូវតែបើកចំហរដើម្បីទទួលយកនូវគំនិតរបស់សមាជិកជាន់ខ្ពស់គណបក្ស ធ្វើដូច្នេះ បាននាំឱ្យគណបក្សអាចមានភាពចាស់ទុំជាគណបក្សនយោបាយដ៏ពិតប្រាកដមួយ។ ភិច្ឆ័យ ត្រូវបានឌឹណេសិន ដកស្រង់សម្តីមកផ្សាយនៅថ្ងៃចន្ទនេះថា ទោះបីជា ចំណុចខ្សោយដ៏ សំខាន់របស់អាប់ភិស៊ីត គឺការគ្រប់គ្រងក៏ដោយ ជាពិសេសការគ្រប់គ្រងបុគ្គលិក គាត់នៅក្មេងខ្ចី ហើយគាត់មានពេលច្រើនដើម្បីអភិវឌ្ឍខ្លួន។ ភិច្ឆ័យ ដែលធ្លាប់ជាអតីតឧបនាយករដ្ឋមន្រ្តី ហើយបច្ចុប្បន្នជាអនុប្រធានក្រុមប្រឹក្សាគណបក្ស បានបន្ថែមថា ទោះបីជាគណបក្សភឿថៃ ដឹកនាំប្រទេសអស់រយៈពេលពីរអណត្តិរឺប្រាំបីឆ្នាំក៏ដោយ ក៏អាប់ភិស៊ីត ស្ថិតនៅក្នុងអាយុកាលក្បាល៥០តែប៉ុណ្ណោះ។ ប៉ុន្តែលោកត្រូវបានផ្លាស់ប្តូរ និងគណបក្សប្រជាធិបតេយ្យ ប្រាកដជាជោគជ័យនិងរីកចំរើនជាស្ថាប័ននយោបាយមួយដ៏ប្រាកដជាមិនខានឡើយ។ ផ្លូវនៅខាងមុខ គឺនៅវែងឆ្ងាយទោះបីជាគណបក្សប្រជាធិបតេយ្យ បានឆ្លងកាត់ហើយក៏ដោយទោះតិចរឺច្រើន ក្នុងការជម្នះយកសមិទ្ធិផលនិងគោលដៅក្លាយជាស្ថាប័នមួយ។ បញ្ហាមួយក្នុងចំណោមបញ្ហាជាច្រើន គឺថា គណបក្សភ្លេចវប្បធម៌របស់ខ្លួនក្នុងគោរពមេដឹកនាំជាន់ខ្ពស់និងគោរពដំបូន្មានដោយយកចិត្តទុកដាក់។ មេដឹកគណបក្សប្រជាធិបតេយ្យជំនាន់ថ្មីនេះ មានឫកពាក្រអឺតក្រទម ជាពិសេសអ្នកទាំងឡាយណាដែលត្រូវបានផ្តល់តំណែងជារដ្ឋមន្រ្តីទោះបីជាពួកគេ ទើបជាសមាជិកសភាក្នុងអាណត្តិទីមួយរបស់ខ្លួនក៏ដោយ។ លោកបន្ថែមថា “ ខ្ញុំមិនចូលចិត្តឱ្យសមាជិកសភាថ្មីៗនិងអ្នកនយោបាយ មានឱកាសក្លាយជាមេដឹកនាំគណបក្សនោះទេ”។ អាប់ភិស៊ីត [...]
ដោយៈ សយ សុភា ភ្នំពេញ៖ តុលាការយុត្តិធម៌អន្តរជាតិ នៃទីក្រុងឡាអេ ( ICJ) បានប្រកាសឱ្យដឹងនៅ ថ្ងៃព្រហស្បតិ៍ ទី៧ ខែកក្កដានេះ ថាខ្លួននឹងចេញដីកា សម្រេចរបស់ខ្លួន នៅថ្ងៃទី១៨ ខែកក្កដា ទាក់ទងនឹងសំណើរបស់កម្ពុជា ដែលស្នើចាត់វិធានការជាបន្ទាន់ ឱ្យដកកងទ័ពថៃចេញពីតំបន់ប្រាសាទព្រះវិហារ។ យោងតាមសេចក្តីប្រកាសព័ត៌មានរបស់ ICJ ដែលមជ្ឈមណ្ឌល ព័ត៌មានដើមអម្ពិលទទួលបាន ឱ្យដឹងថា ការប្រកាសដីកានោះ នឹងត្រូវធ្វើឡើងនៅវិមានសន្តិភាព នៅក្នុងទីក្រុងឡាអេ អំឡុង ពេលនោះ ប្រធានតុលាការ លោក ហ៊ីសាស៊ី អូវ៉ាន់ដា នឹងឡើងអានដីការរបស់តុលាការ។ ការប្រកាសនេះ បានធ្វើឡើងយោងតាមពាក្យបណ្តឹងរបស់កម្ពុជា ហើយការទាញសំអាងហេតុ ផ្ទាល់មាត់ ដែលភាគីកម្ពុជាតំណាង ដោយលោកឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួង ការបរទេស និងថៃតំណាងដោយឯកអគ្គរាជទូតវិសាមញ្ញនិងពេញសមត្ថភាពថៃប្រចាំប្រទេសហូល្លង់។ យ៉ាងណាក៏ដោយ សេចក្តីប្រកាសព័ត៌មានមិនបញ្ជាក់លម្អិតថា តើខ្លួននឹងធ្វើសម្រេចចិត្តយ៉ាងណានោះទេ។ លោកឧបនាយករដ្ឋមន្រ្តីខ្មែរ បានស្នើឱ្យតុលាការ ចេញដីការសម្រេចឱ្យមានការដកកងទ័ពថៃជាបន្ទាន់ និងគ្មានលក្ខខណ្ឌ ចេញពីតំបន់ដែលជាទឹកដី របស់កម្ពុជាក្បែរប្រាសាទព្រះវិហារ។ ហាមប្រាមសកម្មភាពយោធា [...]
ដោយ សយ សុភា ភ្នំពេញ៖ អ្វីៗបានបញ្ចប់ហើយសម្រាប់ក្តីស្រម៉ៃរបស់នាយករដ្ឋមន្រ្តីចាំផ្ទះអាប់ភីស៊ីត វ៉ាចាជីវ៉ា ក្នុងការបន្តធ្វើជានាយករដ្ឋមន្រ្តីមួយអាណត្តិទៀត បន្ទាប់ពីគណបក្សភឿថៃដែលស្នីទនឹងអតីតនាយករដ្ឋមន្រ្តីថាក់ស៊ីន បានឈ្នះយ៉ាងភ្លូកទឹកភ្លូកដី ក្នុងការបោះឆ្នោតសាកលមួយ កាលពីថ្ងៃអាទិត្យទី៣ខែកក្កដា ឆ្នាំ២០១១នេះ។ តែយ៉ាងណាក៏ដោយអ្នកនាំពាក្យគណបក្សប្រជាធិបតេយ្យ ដែលចាញ់ឆ្នោតនោះ បានប្រកាសថាខ្លួននៅតែរង់ចាំមើលលទ្ធផលផ្លូវការ នៅឡើយ ពោលគឺពេលនេះ ខ្លួនមិនទាន់មានពាក្យអ្វីត្រូវនិយាយនោះទេ ក្រៅពីថ្លែងអំណរគុណដល់អ្នកគាំទ្ររបស់ខ្លួន។ បេក្ខភាពនាយករដ្ឋមន្រ្តី នៃគណបក្សភឿថៃ លោកស្រី យីង ឡាក់ បានធ្វើ ដំណើរចូលទីស្នាក់ការគណបក្សមុនពេលកំណត់ ដោយសារស្ថាប័នស្ទង់មតិ នៅក្នុងប្រទេស បានបង្ហាញថា លទ្ធផលនៃការបោះឆ្នោត គណបក្សភឿថៃ មានប្រៀប ស្របពេលដែលនាយករដ្ឋមន្រ្តីចាំផ្ទះ អាប់ភីស៊ីត សន្យាថា បើសិនជាគណបក្សរបស់ខ្លួនទទួលអាសនៈតិចជាងការគ្រោងទុក ខ្លួននឹងលាលែងពីតំណែង ប្រធានគណបក្សប្រជាធិបតេយ្យ។ តាមលទ្ធផលនេះ លោកស្រី យ៉ីងឡាក់ មានលទ្ធភាពគ្រប់គ្រាន់ក្នុងការបង្កើតរដ្ឋាភិបាលតែឯងបានដោយមិនចាំមានការចូលរួមពីគណបក្សតូចៗ និងជានាយករដ្ឋមន្រ្តីស្រ្តីដំបូងគេ នៅក្នុងរាជាណាចក្រសៀមផងដែរ ស្របពេលដែលប្រធានគណបក្សប្រជាធិបតេយ្យអាប់ភីស៊ីត ត្រៀមធ្វើមេបក្សប្រឆាំងវិញ។ យ៉ាងណាក៏ដោយ ស្ថាប័នស្ទង់មតិជាច្រើននៅក្នុងប្រទេសសៀម បានព្យាការណ៍ថា គណបក្សភឿថៃរបស់លោកស្រី យីង ឡាក់ ទទួលបាន៣១៣អាសនៈ រីឯគណបក្សប្រជាធិបតេយ្យ របស់អាប់ភីស៊ីត [...]
ដោយៈ សយ សុភា ភ្នំពេញ៖ ក្រុមមន្រ្តីរដ្ឋាភិបាល គណបក្សប្រឆាំង និងអង្គការសង្គមស៊ីវិលខ្មែរ នៅថ្ងៃអាទិត្យ បានថ្លែងការអបអរសាទរ ចំពោះលទ្ធផលបោះឆ្នោតនៅក្នុងប្រទេសសៀម ដែលគណបក្សភឿថៃ បានឈ្នះឆ្នោតយ៉ាងភ្លូកទឹកភ្លូកដី ក្នុងលទ្ធផលបណ្តោះអាសន្ន រហូតដល់៣១៣អសនៈក្នុងចំណោម៥០០ ខណៈគណបក្សប្រជាធិបតេយ្យរបស់អាប់ភីស៊ីត បានត្រឹមតែ១៥២តែប៉ុណ្ណោះ។ អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន បានថ្លែងប្រាប់មជ្ឈមណ្ឌលព័ត៌មានដើមអម្ពិលថា “ការបោះឆ្នោតនេះ គឺជាទំព័រថ្មីមួយ របស់ប្រជាជាតិថៃ។ គណបក្សថ្មី នឹងមកជំនួសគណបក្សចាស់ ហើយគណបក្សថ្មីនេះ នឹងរៀបចំរដ្ឋាភិបាលផ្ទាល់ខ្លួន ដូច្នេះអ្វីដែលកម្ពុជាអបអរសាទរ ជាមួយនឹងការសម្រេចចិត្តរបស់ប្រជាពលរដ្ឋថៃ” ។ យ៉ាងណាក៏ដោយ លោករំពឹងថា កិច្ចការដោះស្រាយព្រំដែនរវាងប្រទេសទាំងពីរ នៅតំបន់ប្រាសាទ ព្រះវិហារ ក៏អាចនឹងដោះស្រាយរកច្រកចេញបានដែរ។ លោក ផៃស៊ីផាន បានថ្លែងថា “យើងសង្ឃឹមថា យើងអាចនិយាយដោះស្រាយគ្នាបាន ជាមួយរដ្ឋាភិបាលដែលដឹកនាំគណបក្សភឿថៃ។” ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ ក៏បានសម្តែងការគាំទ្រចំពោះគណបក្សភឿថៃ ផងដែរដោយលោក ចាត់ទុកថា គណបក្សលោកស្រីយ៉ីងឡាក់ នឹងនាំមកសុខសន្តិភាពជាមួយប្រទេសក្បែរខាង នោះក៏ព្រោះតែគណបក្សនេះ ប្រកាន់យកវប្បធម៌អហិង្សានិងសន្តិភាព។ លោក [...]
