Soysophea's Weblog

ក្នុងឱកាសបើកសម្ពោធផ្លូវជាតិ លោកហ៊ុនប្រតិកម្មម្ដងទៀតទៅនឹងការប្រៀបប្រដូចការដឹកនាំរបស់លោកទៅនឹងមេដឹកនាំមជ្ឈិមបូព៌ា

Sophea — Mon, 14 Nov 2011 09:35:05 +0000

ព័ត៌មានថ្មីៗ 16:11:49, 14 November 2011

ប្រមុខដឹកនាំរដ្ឋាភិបាលខ្មែរ នៅថ្ងៃចន្ទនេះ បានប្រតិកម្មជាសាធារណៈជាថ្មីទៀតទៅនឹងការប្រមាថនានា ដែលថានៅទីអវសាន រូបលោកនឹងមានវាសនាដូចបណ្តាមេដឹកនាំនានានៅមជ្ឈឹមបូព៌ានិងនៅ អាហ្រ្វិក ដែលទីបញ្ចប់មេដឹកនាំទាំងនោះ ត្រូវបានគេបះបោរទម្លាក់ចេញពីអំណាច និងកាត់ទោសប្រហារជីវិត។

ជាបន្តសូមស្តាប់សេចក្តីរាយការណ៍របស់លោកសយ សុភា ពីរាជធានីភ្នំពេញ៖

Tags: គណបក្សប្រឆាំង, ផ្ដាច់ការ, មេដឹកនាំ, ហ៊ុន សែន

ការប្រារព្ធខួបលើកទី៥៨ នៃទិវាបុណ្យឯករាជ្យជាតិ

Sophea — Thu, 10 Nov 2011 08:38:01 +0000

ព័ត៌មានថ្មីៗ 17:11:46, 9 November 2011

Click to view slideshow.

ទាញយកសំឡេង MP3

ថ្ងៃទី៩វិច្ឆិកា ឆ្នាំ២០១១ នៅឆ្នាំនេះ ជាខួបលើកទី៥៨ នៃទិវាបុណ្យឯករាជ្យជាតិ ដែលកម្ពុជាបានប្រារព្ធពិធីខួបអនុស្សាវរីយ៍យ៉ាងអធិកអធម ក្រោមព្រះរាជាធិបតីភាពដ៏ខ្ពង់ខ្ពស់របស់ព្រះមហាក្សត្រ សម្តេចព្រះបរមនាថ នរោត្តម សីហមុនី និងប្រមុខដឹកនាំរដ្ឋាភិបាល នាម៉ឺនសព្វមុខមន្ត្រី ព្រមទាំងប្រជាពលរដ្ឋយ៉ាងច្រើនកុះករ។

ព្រឹត្តិការណ៍ជាប្រវត្តិសាស្ត្រ នៅព្រឹកព្រលឹមថ្ងៃ ទី៩វិច្ឆិកានេះ ប្រារព្ធធ្វើនៅទីលានវិមានឯករាជ្យ។
លោកសយ សុភា អ្នកឆ្លើយឆ្លងព័ត៌មានឲ្យ Radio Australia បានទៅយកការណ៍ដល់កន្លែងប្រារព្ធ ខួប លើកទី៥៨ នៃទិវាបុណ្យឯករាជ្យជាតិនៅវិមានឯករាជ្យនាពេលព្រឹកមិញនេះ។
បទសម្ភាសន៍៖
ប្រទេសកម្ពុជា បានស្ថិតនៅក្រោមអាណាព្យាបាលពីប្រទេសបារាំងចាប់តាំងពីឆ្នាំ ១៨៦៣។ រហូតដល់ថ្ងៃទី៩វិច្ឆិកា ឆ្នាំ១៩៥៣ ទើបប្រទេសបារាំង បានផ្តល់ឯករាជ្យពេញលេញដល់ប្រទេសកម្ពុជា ក្រោមព្រះរាជបូជនីយកិច្ច ទាមទារឯករាជ្យរបស់ព្រះករុណា ព្រះមហាវីរក្សត្រ សម្តេចព្រះ នរោត្តម សីហនុ៕
(សយ សុភា និង លឹមសេង)

Tags: កម្ពុជា, ទិវាបុណ្យឯករាជ្យជាតិ, ខួបលើកទី៥៨, នរោត្តម សីហនុ, នរោត្តម សីហមុនី, ព្រះមហាវីរក្សត្រ

ប៊ូអ៊ីង តម្លើងយន្តហោះ ប្រភេទ៧៧៧ ទី១០០០ របស់ខ្លួន

Sophea — Thu, 10 Nov 2011 08:17:27 +0000

រែសម្រួលដោយ៖ សយ សុភា

កូឡាឡាំពួរ ៖ កម្មករក្រុមហ៊ុន ផលិតយន្តហោះ ម៉ាកប៊ូអ៊ីង នៅថ្ងៃព្រហស្បតិ៍ ទី១០ ខែវិច្ឆិកា នេះ បានចាប់ផ្តើមតម្លើងយន្តហោះ ប្រភេទ៧៧៧ ទី១០០០ របស់ខ្លួន ។ នេះបើយោងតាមសេចក្តីប្រកាសព័ត៌មានរបស់ ក្រុមហ៊ុន ប៊ូអ៊ីង ចេញនៅថ្ងៃព្រហស្បតិ៍ ។

ទីភ្នាក់ងារព័ត៌មាន ម៉ាឡេស៊ី ប៊ែណាម៉ា រាយការណ៍ឱ្យដឹងថា យន្តហោះ គឺប្រភេទប៊ូអ៊ីង៧៧៧-៣០០WE។ ហើយវានឹងត្រូវប្រគល់ទៅឱ្យក្រុមហ៊ុនអាកាសចរណ៍ Emirates ដែលមានមូលដ្ឋាននៅរដ្ឋធានីឌូបៃ នៅខែមិនាឆ្នាំ២០១១ ។

ក្រុមហ៊ុនអាកាសចរណ៍ Emirates គឺជាអតិថិជន ដ៏ធំបំផុតសម្រាប់ យន្តហោះប្រភេទប៊ូអ៊ីង ៧៧៧ ។

ពិធីមួយត្រូវគេប្រារព្វធ្វើឡើង ដើម្បីចាប់ផ្តើមការផលិត ដែលត្រូវធ្វើឡើងនៅថ្ងៃព្រហស្បតិ៍ នេះ នៅក្នុងទីអេវើរេត៌។ ការបន្ថែមបុគ្គលិក សម្រាប់ការ ផលិត បានធ្វើឱ្យក្រុមហ៊ុនចំណាយពេលតែ៤៩ថ្ងៃ ក្នុងដំណើរការផលិត។

លោកឡូហ្វទីស អនុប្រធាននិងជាអ្នកចាត់ការទូទៅ នៃកម្មវិធីផលិតយន្តហោះប៊ូអ៊ីង៧៧៧ បានមានប្រសាសន៍ថា “យើងពិតជាមិនអាច សម្រេច បាននូវជោគជ័យជាប្រវត្តិសាស្រ្តបាននោះទេ ដរាបណាគ្មានការរិះគំនិតថ្មី ការបង្កើតថ្មីពីសំណាក់និយោជិតជាច្រើនពាន់នាក់នៅទីនេះ របស់ ក្រុមហ៊ុនប៊ូអ៊ីង និងអ្នកផ្គត់ផ្តង់ជាង៥០០០ នៅជំវិញពិភពលោក ដែលស្ថាបនា ៧៧៧”៕

យីងឡាក់ នឹងមិនលាលែងដោយសារវិបត្តិទឹកជំនន់នោះទេ

Sophea — Thu, 10 Nov 2011 08:15:58 +0000

ប្រែសម្រួលដោយ៖ សយ សុភា

បាងកក៖ នាយករដ្ឋមន្រ្តីថៃ លោកស្រី យីងឡាក់ ស៊ីណាវ៉ាត្រា នៅថ្ងៃព្រហស្បតិ៍នេះ បានសច្ចាថា នឹងនៅតែតស៊ូដ៏ស្វិតស្វាញជាមួយនឹងវិបត្តិទឹកជំនន់ដែលបណ្តាលឱ្យមនុស្សស្លាប់ បើទោះបីជាមានការរិះគន់ចំពោះចំណាត់ការរបស់លោកស្រី ទៅនឹងគ្រោះមហន្តរាយនេះ យ៉ាងណាក្តី។

លោកស្រីបានថ្លែងប្រាប់អ្នករាយការណ៍ព័ត៌មាន នៅពេលដែលមានការសាកសួរថាតើលោកស្រីពិចារណាអំពីការលាលែងពីតំណែងដែររឺយ៉ាងណានោះ ថា “ពលរដ្ឋគាំទ្រខ្ញុំ ហើយបានបោះឆ្នោតឱ្យខ្ញុំ អីចឹងហើយខ្ញុំត្រូវតែបន្តការងាររបស់ខ្ញុំ ឱ្យពីកម្លាំងកាយកម្លាំងចិត្តតាមសមត្ថភាពរបស់ខ្ញុំ”។ នេះបើយោងតាមគេហទំព័រ Channel NewsAsia ដែលផ្សាយនៅថ្ងៃព្រហស្បតិ៍នេះ។

ទឹកជំនន់ ដែលបង្កឡើងដោយទឹកភ្លៀងមិនទៀងទាត់ ជាច្រើនខែមកនោះ បានសម្លាប់មនុស្សប្រមាណ៥៣៣នាក់ និងធ្វើឱ្យខូចខាតផ្ទះសម្បែងនិងប្រជាពលរដ្ឋ រាប់រយខ្នងនិងរាប់លាននាក់នៅទូទាំងប្រទេស។

ទឹកជំនន់ បានស្រកតិចៗ នៅក្នុងកណ្តាលរាជធានីបាងកក ទីដែលមានប្រជាជនប្រមាណ១២លាននាក់ បានធ្វើឱ្យខូចខាតដល់ផ្លូវនានា និងគំរាមកំហែងដល់បណ្តាសណ្ឋាគារប្រណិតៗ ព្រមទាំងផ្សារទំនើបៗផងដែរ។

ក្នុងដំណើរបំពេញទស្សនកិច្ច ទៅកាន់ទីតាំងជម្រក ដែលត្រូវបានធ្វើសម្រាប់ជនរងគ្រោះ នៅក្នុងសង្កាត់ឆាតុឆាក់ នៃរាជធានីបាងកក លោកស្រី យីង ឡាក់ បានសុំការយោគយល់ពីសាធារណជន។

លោកស្រីបន្តថា “អ្នករាល់គ្នា ធ្វើការយ៉ាងអស់ពីសមត្ថភាព។ វាគ្រោះធម្មជាតិដែលបណ្តាប្រទេសនានា ខកខាននៅមិនរាំងខ្ទប់នោះឡើយ”។ “ខ្ញុំចង់ស្នើឱ្យមានការអាណិតអាសូរដល់មន្រ្តីទាំងអស់ដែលខិតខំធ្វើការក្នុងសម្រួលទឹកដែលជន់លិច ហើយសម្រាប់ខ្លួនខ្ញុំផ្ទាល់ក៏នឹងបំពេញការងារឱ្យពីសមត្ថភាព និងស្តាប់យោបល់នានាផងដែរ”។

ការលើកឡើងឱ្យមានការលាលែងតំណែងនេះ គឺធ្វើឡើងដោយក្រុមបក្សប្រឆាំង៕

ប្រជាពលរដ្ឋ រាប់ពាន់នាក់ ចុះឈ្មោះចូលរួម តាមដានដោយផ្ទាល់ សវនាការលើអង្គសេចក្តី សំណុំរឿង០០២

Sophea — Thu, 10 Nov 2011 08:14:56 +0000

ដោយ៖សយ សុភា-សេង ផល្លាភ

ភ្នំពេញៈ ចាប់តាំងពីថ្ងៃដែលអង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក) រឺហៅសាមញ្ញថា តុលាការខ្មែរក្រហម បានប្រកាសអំពីពេលវេលាជាក់លាក់ នៃការបើកសវនាការលើអង្គសេចក្តីទៅលើអតីត្តមេដឹកនាំកំពូលៗនៃរបបកម្ពុជា ប្រជាធិប្បតេយ្យរួចមកនោះ រហូតមកដល់បច្ចុប្បន្ននេះ មានអ្នកចុះឈ្មោះចូលរួមតាមដានក្នុងអង្គសវនាការដោយផ្ទាល់ មានចំនួនរាប់ពាន់នាក់ហើយ។

មន្ត្រីអ្នកនាំពាក្យសាលាក្តីខ្មែរក្រហម លោក នេត ភ័ក្ត្រា បានប្រាប់មជ្ឈមណ្ឌលព័ត៌មានដើមអម្ពិលឲ្យដឹងនៅថ្ងៃទី១០ ខែវិច្ឆិកា ឆ្នាំ២០១១នេះថា រហូតមកដល់ពេលនេះមានអ្នកចុះឈ្មោះចូលរួមតាមដានដោយផ្ទាល់ នៅក្នុងអង្គជំនុំជម្រះវិសាមញ្ញក្នុងតុលាការកម្ពុជា មានចំនួនរាប់ពាន់នាក់ហើយ ក្នុងនោះមានប្រជាពលរដ្ឋដែលមកពីបណ្តាខេត្តក្រុងផ្សេងៗ ដែលពួកគាត់បានស្នើសុំចុះឈ្មោះ ដើម្បីចូលរួមនៅក្នុងអង្គសវនាការទស្សនាដោយផ្ទាល់ និងមានទីភ្នាក់ងារសារព័ត៌មានអន្តរជាតិធំៗមួយចំនួន ក៏នឹងត្រូវចូលរួមនៅក្នុងការបើកសវនាការលើអង្គសេចក្តីដែលគេគ្រោងធ្វើឡើងនៅថ្ងៃទី២១ ខែវិច្ឆិកា ឆ្នាំ២០១១ខាងមុខនេះផងដែរ។

លោកបន្តថា មិនតែប៉ុណ្ណោះ ក៏មានមន្រ្តីទូត ប្រចាំនៅកម្ពុជា រួមទាំងមន្រ្តីអង្គការក្រៅរដ្ឋាភិបាលនានា និងអ្នកស្រាវជ្រាវប្រវត្តិសាស្រ្ត ក៏បានស្នើសុំចុះឈ្មោះ ដើម្បីចូលរួមក្នុងសាលសវនាការដោយផ្ទាល់ផងដែរ។

លោកបន្តថា ប្រជាពលរដ្ឋដែលមកពីតាមបណ្តាខេត្តនានា សាលាក្តីខ្មែរក្រហម ផ្នែកកិច្ចការសាធារណៈ និងបញ្ជូនរថយន្តទៅដឹកជញ្ជូនពួកគាត់ពីភូមិឃុំ របស់ពួកគាត់ មកសាលាក្តីខ្មែរក្រហមដោយមិនគិតប្រាក់។

លោកបញ្ជាក់ថា “រហូតមកដល់ពេលនេះ យើងឃើញថា ប្រជាពលរដ្ឋខ្មែរជាង១០ម៉ឺននាក់ ហើយដែលបានមកធ្វើទស្សនកិច្ចសិក្សា នៅសាលាក្តីខ្មែរក្រហម ក៏ដូចជាចូលរួមទស្សនា ដំណើរការសវនាការ មួយចំនួននាពេលកន្លងមកដោយគិចចាប់ពីឆ្នាំ២០០៩ រហូតដល់ឆ្នាំ២០១១នេះ”។

សូមជម្រាបថា កាលពីថ្ងៃទី២៥ ខែតុលា ឆ្នាំ២០១១កន្លងទៅ អង្គជំនុំជម្រះវិសាមញ្ញក្នុងតុលាការកម្ពុជា បានប្រកាសនៅរបៀបវារៈ នៃការបើកសវនាការលើអង្គសេចក្តី ដើម្បីជំនុំជម្រះសំណុំរឿង០០២ ប្រឆាំងនឹងមេដឹកនាំកំពូលៗក្នុងរបបកម្ពុជាប្រជាធិបតេយ្យ ចំនួន៤រូប គឺលោកខៀវ សំផន នួន ជា អៀង សារី និងអៀង ធិរិទ្ធ ដែលនឹងចាប់ផ្តើមនៅវេលាម៉ោង៩ព្រឹក ចាប់ពីថ្ងៃទីច័ន្ទទី២១ ខែវិច្ឆិកាឆ្នាំ រហូតដល់ថ្ងៃទី២៤ ខែវិច្ឆិកាឆ្នាំ២០១១ ដែលមានរយៈពេល៤ថ្ងៃ។

ចំពោះរបៀបវារៈ នៅថ្ងៃទី១នៃការបើកសវនាការនៅថ្ងៃខាងមុខនេះ ទី១ គឺការអានបទចោទប្រកាន់ទាំងឡាយប្រឆាំង នឹងជនជាប់ចោទនីមួយៗ ទី២ គឺការថ្លែងសេចក្តីសន្និដ្ឋានចោទប្រកាន់របស់ហសព្រះរាជអាជ្ញា។របៀបវីរៈ នៅថ្ងៃទី២ ការថ្លែងសេចក្តីសន្និដ្ឋានចោទប្រកាន់របស់សហព្រះរាជអាជ្ញាបន្តទៀត របៀបវារៈថ្ងៃទី៣គឺការឆ្លើយតបរបស់ក្រុមមេធាវីការពារក្តី ទៅនឹងការចោទប្រកាន់របស់សហព្រះរាជអាជ្ញា និងរបៀបវារៈនៅថ្ងៃទី៤ ដែលជាថ្ងៃបញ្ចប់នៃសវនាការនោះ គឺការឆ្លើយតបរបស់ក្រុមមេធាវីការពារក្តីទៅ នឹងសេចក្តីសន្និដ្ឋានលើបទចោទប្រកាន់របស់សហព្រះរាជអាជ្ញា។ បន្ទាប់ពីធ្វើសេចក្តីសន្និដ្ឋានចោទប្រកាន់របស់សហព្រះរាជអាជ្ញា និងការឆ្លើយតបរបស់ក្រុមមេធាវីការពារក្តីរួចមក សវនាការដើម្បីពិនិត្យលើភ័ស្តុតាងនៅក្នុងសំណុំរឿង០០២ ដែលនឹងចាប់ផ្តើមនៅវេលាម៉ោង៩ព្រឹកថ្ងៃទី២៨ ខែវិច្ឆិការឆ្នាំ២០១១៕

ម៉ាឡេស៊ី សង់ផ្ទះលក់ សម្រាប់អ្នកជីវភាពមធ្យម

Sophea — Thu, 10 Nov 2011 08:12:51 +0000

ប្រែសម្រួលដោយ សយ សុភា

កូឡាឡំាពួរ៖ សាជីវកម្មធនធានម៉ាឡេស៊ី គ្រោងនឹងស្ថាបនា លំនៅដ្ឋានដែលលៃលកបានសម្រាប់អ្នកមានជីវភាពមធ្យម ជាផ្នែកនៃគម្រោងរបស់ខ្លួននក្នុងការបម្រើដល់ពលរដ្ឋប្រាក់ចំណូលកណ្តាល។ នេះបើយោងតាមការឱ្យដឹងរបស់នាយកប្រតិបត្តិ លោក មហាម៉េដ រ៉ាហ្ស៊ីគ ហ៊ូសេន ដែលបានថ្លែង នៅថ្ងៃព្រហស្បតិ៍នេះ។

ទីភ្នាក់ងារព័ត៌មានម៉ាឡេស៊ី ប៊ែណាម៉ា រាយការណ៍ឱ្យដឹងនៅថ្ងៃព្រហស្បតិ៍នេះថា លោកមហាម៉េដ អះអាងថា ក្រុមហ៊ុនរបស់លោក ដែលគាំទ្រដោយរដ្ឋាភិបាលម៉ាឡេស៊ី នោះ មានវិធីល្អៗដើម្បីជួយពលរដ្ឋដែលមិនសូវមានចំណូលខ្ពស់។

លោកបានថ្លែងប្រាប់ក្រុមអ្នករាយការណ៍ព័ត៌មាន បន្ទាប់ព្រឹត្តិការណ៍មួយស្តីពីការទទួលខុសត្រូវសង្គមរបស់ក្រុមហ៊ុនថា “យើងគាំទ្រផែនការផ្ទះសម្បែង និងគ្រោងការរាប់បញ្ចូលទាំងផ្ទះសម្បែងនានា នៅក្នុងគម្រោងរបស់យើងនាពេលឆាប់ៗខាងមុខនេះ។ យើងសង្ឃឹមថា នឹងទទួលបានអនុញ្ញាតិ និងជំនួយពីរដ្ឋាភិបាល”។

ក្រៅពីនេះ លោក មហាម៉េដ បានថ្លែងបន្តថា ក្រុមហ៊ុនបានធ្វើការជាច្រើនសម្រាប់ប្លុកចំនួនពីរ ជាខន់ដូ នៅឯសិនត្រាល់កូឡាឡាំពូរ។

គេស្គាល់ថា ជាពលរដ្ឋនៅប្លុកសិនត្រាល់ ជាទីដែលគម្រោងទទួលបានការឆ្លើយតបយ៉ាងល្អប្រសើរពីសាធារណជន។

“យើងស្ទើតែលក់អស់ទៅហើយផ្ទះសម្បែងនៅប្លុកទី១ ហើយនៅពេលដែលយើងបើកប្លុកទីពីរ (សម្រាប់កក់) វាលក់ឆាប់ដាច់ណាស់”៕

កិច្ចប្រជុំថ្នាក់រដ្ឋមន្រ្តីក្រសួងយុត្តិធម៌ និងអគ្គរដ្ឋអាជ្ញាអាស៊ានចាប់ផ្តើមនៅកម្ពុជា

Sophea — Sat, 05 Nov 2011 06:26:29 +0000

ព័ត៌មានថ្មីៗ 16:11:12, 4 November 2011

Click to view slideshow.

ទាញយកសំឡេង MP3

បណ្តារដ្ឋមន្រ្តីនិងមន្រ្តីជាន់ខ្ពស់ក្រសួងយុត្តិធម៌ និងអគ្គរដ្ឋអាជ្ញាអាស៊ានបានមកជួបជុំគ្នានៅទីក្រុងភ្នំពេញដើម្បី ពង្រឹងនូវកិច្ចសហប្រតិបត្តិការលើវិស័យច្បាប់និងយុត្តិធម៌ កម្មវិធីសិក្សាស្រាវជ្រាវផ្នែកច្បាប់រួមគ្នា កម្មវិធីបង្កើតសៀវភៅស្តីពីស្ថាប័នច្បាប់របស់អាស៊ាន សម្រាប់ដំណើរឆ្ពោះទៅ សមាហរណកម្មអាស៊ាននៅឆ្នាំ២០១៥។

រាយការណ៍ដោយ លោក សយ សុភា ពីរាជធានីភ្នំពេញ៖

Tags: ក្រសួងយុត្តិធម៌, រដ្ឋមន្រ្តី, រដ្ឋសភា, រដ្ឋអាជ្ញា, អង្គប្រជុំ

រន្ទះបាញ់ប្រល័យជីវិតមនុស្ស១៥៧ នៅកម្ពុជា

Sophea — Sat, 05 Nov 2011 06:22:12 +0000

ព័ត៌មានថ្មីៗ 16:11:57, 1 November 2011

ទាញយកសំឡេង MP3

ប្រទេសកម្ពុជា ដែលរងផលប៉ះពាល់ពីគ្រោះទឹកជំនន់ធ្ងន់ធ្ងរក្នុងរយៈពេលជាង១០ឆ្នាំមកនេះ បាតុភូតធម្មជាតិរន្ទៈបាញ់ ក៏បានឆ្លៀតផ្តាច់ផ្តិលជីវិតពលរដ្ឋប្រមាណជាង១៥៧នាក់ និងធ្វើឱ្យមនុស្ស១៣០នាក់ រងរបួសផងដែរ គ្រាន់តែរយៈពេលដប់ខែដើមឆ្នាំ២០១១ប៉ុណ្ណោះ។

ជាបន្តសូមស្តាប់សេចក្តីរាយការណ៍របស់លោក សយ សុភា ពីរាជធានីភ្នំពេញ៖

មន្ត្រីគណៈកម្មាធិការជាតិគ្រប់គ្រងគ្រោះមហន្តរាយនៃប្រទេសកម្ពុជា បានឲ្យដឹងថា ចំនួនអ្នកស្លាប់ ដោយសាររន្ទះបាញ់ ក្នុងឆ្នាំ២០១១ មានការកើនឡើង រហូតដល់ ១៥៧ នាក់ បើប្រៀបធៀបឆ្នាំ២០១០មានត្រឹមតែ១១៤ប៉ុណ្ណោះ។

នាយកខុទ្ទកាល័យនៃគណៈកម្មាធិការជាតិគ្រប់គ្រងគ្រោះមហន្តរាយ លោក កែវ វី ឱ្យដឹងថា អ្នកស្លាប់ដោយសាររន្ទះបាញ់ មានការកើនឡើងខ្ពស់ រហូតដល់ ១៥៧នាក់ អ្នករងរបួស ១៣០នាក់។ លោកបន្តភាគច្រើននៃអ្នកស្លាប់ដោយសារពួកគេ នៅទីវាល ដែលងាយត្រូវរន្ទៈបាញ់។

បើតាមលោក លោកកែវ វី បាតុភូតធម្មជាតិរន្ទះបាញ់ស្ទើរតែអស់ហើយ ដែលធ្វើឱ្យអ្នកស្លាប់ដោយរន្ទះបាញ់នៅឆ្នាំ២០១១ កើនជាងឆ្នាំ២០១០និង២០០៩។ ឆ្នាំ២០០៩ មានអ្នកស្លាប់ដោយរន្ទះបាញ់ ត្រឹមតែ១៤០នាក់ តែប៉ុណ្ណោះ។

(សំឡេងលោក កែវ វី)

ជាមួយគ្នានេះ បាតុភូតរន្ទះបាញ់ក្រៅតែពីផ្តាច់ផ្តិលជីវិតមនុស្ស វាក៏នៅបានសម្លាប់សត្វពាហនៈរបស់ប្រជាកសិករផងដែរ ដោយក្នុងនោះមានគោក្របីប្រមាណ៦០ក្បាល ព្រមទាំងបំផ្លាញផ្ទះសម្បែងប្រមាណ៤ខ្នងផងដែរ៕

(របាយការណ៍រៀងរៀងដោយ សយ សុភា)

ការពង្រឹងសមត្ថភាពគរុនិស្សិតមុនចេញទៅបង្រៀន

Sophea — Wed, 26 Oct 2011 06:55:58 +0000

ព័ត៌មានថ្មីៗ 16:10:28, 26 October 2011

ទាញយកសំឡេង MP3

ដើម្បីលើកកម្ពស់ឲ្យកាន់តែប្រសើរដល់គុណភាពអប់រំផ្នែក ជំនាញគរុនិសិ្សតរបស់វិទ្យាស្ថានបណ្តុះបណ្តាលបច្ចេកទេសចំនួន ២២៥នាក់បានទទួលនូវការបណ្តុះបណ្តាលជំនាញសតិសម្បជញ្ញៈ ឬជំនាញទន់ដើម្បីពង្រឹងសមត្ថភាពរបស់ខ្លួនបន្ថែមមុននឹងចេញទៅ បង្រៀន។ ជាបន្តសូមស្តាប់សេចក្តីរាយការណ៍របស់លោក សយ សុភា ពីរាជធានីភ្នំពេញ៖

ថ្លែងក្នុងសិក្ខាសាលាស្តីពីការ “ជំនាញទន់” អនុរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ លោក ប៉ុក ប៉ាន់ បានបញ្ជាក់ថា ការបណ្តុះបណ្តាលនេះគឺជាការពង្រឹងសមត្ថភាព គុណភាពគ្រូបច្ចេកទេស ក៏ដូចជាការត្រួតពិនិត្យ និងវាយតម្លៃលើការបង្រៀន។

លោកបន្តថា ការបណ្តុះបណ្តាលនេះនឹងផ្តល់ជូនដល់គរុនិស្សិត នូវការផ្លាស់ប្តូរផ្នត់គំនិតលើចំណេះដឹង សម្បជញ្ញៈ និងភាពជោគជ័យ ការអភិវឌ្ឍសមត្ថភាពកសាងទំនុកចិត្តដើម្បីពង្រឹងពង្រីកបន្ថែមនូវ ការប្រាស្រ័យទាក់ទងល្អជាមួយសហគមន៍ ការអភិវឌ្ឍគរុកោសល្យនិងជំរុញលើកទឹកចិត្តដោយស្មារតីទទួល ខុសត្រូវខ្ពស់សម្រាប់អាជីពជាគ្រូ បង្រៀនមានសមត្ថភាពបង្កើតបរិយាកាសល្អនៅកន្លែងធ្វើការប្រកបដោយ ប្រសិទ្ធភាព។

(សំឡេង)

ព្រមគ្នានេះនាយកវិទ្យាស្ថានបណ្តុះបណ្តាលបច្ចេកទេស លោក យ៉ោក វុទ្ធី ឱ្យដឹងផងដែរថាការបណ្តុះបណ្តាលដែលមានរយៈពេល ៥ថ្ងៃចាប់ពីថ្ងៃទី២៤ ដល់២៨ ខែតុលា មានកិច្ចសហការពីវិទ្យាស្ថានបណ្តុះបណ្តាលបច្ចេកទេស និងធនាគារអភិវឌ្ឍន៍អាស៊ី (ADB) ដែលផ្តល់ហិរញ្ញវត្ថុ និងបច្ចេកទេស។

លោកនាយកវិទ្យាសា្ថនបន្តថា ការបណ្តុះបណ្តាលនេះ ផ្តោតជាចំបងទៅលើការអភិវឌ្ឍរបស់គ្រូបច្ចេកទេសក្នុងការបង្កើន សមត្ថភាព ការបង្កើតគំនិតច្នៃប្រឌិតល្អពីជំនាញឯកទេស ការប្រាស្រ័យទាក់ទង ការជំរុញលើកទឹកចិត្ត ជំនាញដោះស្រាយទំនាស់ជាដើម។
យ៉ាងណាក៏ដោយលោក យ៉ោក វុទ្ធី មានជំនឿថា ការបណ្តុះបណ្តាលនេះ អាចនឹងធ្វើឲ្យគរុនិស្សិតបច្ចេកទេសទាំងអស់ទទួលបានភាពជឿជាក់ ចំពោះខ្លួនឯង ដើម្បីឈានជើងចូលបម្រើការងារនៅតាមគ្រឹះស្ថានអប់រំបណ្តុះបណ្តាល បច្ចេកទេស នៅពេលអនាគតដ៏ខ្លីខាងមុខនេះ។

(សំឡេង)

វិទ្យាស្ថានបណ្តុះបណ្តាលបច្ចេកទេសគិតមកដល់ឆ្នាំ២០១១នេះ បានបណ្តុះបណ្តាលគរុនិស្សិតចំនួន ១០ជំនាន់ហើយ ដោយមាន និស្សិតប្រមាណជា ១៨៨២នាក់។

ប្រទេសកម្ពុជាត្រូវបានធនាគារពិភពលោកក៏ដូចជាស្ថាប័នអន្តរជាតិនានា ផ្តល់អនុសាសន៍ឱ្យមានការបង្កើន និងពង្រឹងសមត្ថភាពធនធានមនុស្សរបស់ខ្លួនឱ្យបានកាន់តែច្រើនប្រកប ដោយសមត្ថភាពជាពិសេសកម្មករជំនាញចាំបាច់ត្រូវតែមាន និងមានឱ្យបានកាន់តែច្រើន៕

(របាយការណ៍រៀបរៀងដោយ សយ សុភា)

Tags: ការពង្រឹងសមត្ថភាព, គរុនិស្សិត, ជំនាញសតិសម្បជញ្ញៈ, ធនាគារអភិវឌ្ឍន៍អាស៊ី, បង្រៀន, បណ្តុះបណ្តាលបច្ចេកទេស

អ្នកផ្ទុកមេរោគអេដស៍ ចង់បានសេវាកម្មថែទាំដូចកុមារភាព

Sophea — Tue, 25 Oct 2011 07:46:59 +0000

ព័ត៌មានថ្មីៗ 16:10:44, 25 October 2011ព័ត៌មានថ្មីៗ 16:10:44, 25 October 2011

ទាញយកសំឡេង MP3

ក្រុមមន្រ្តីសុខភាព បានថ្លែងអះអាងថា មានអ្នកជំងឺផ្ទុកមេរោគអេដស៍ដែលពេញវ័យ១៨ឆ្នាំ នៅតែបង្ហាញចេតនាថា ខ្លួនមិនចង់បានទទួលសេវាថែទំាបែបមនុស្សចាស់នោះទេ ពោលគឺគេនៅតែបន្តចង់បានការថែទាំបែបកុមារភាព ប្រកបដោយភាពកក់ក្តៅនិងគួរឱ្យចូលចិត្ត។

ជាបន្តសូមស្តាប់របាយការណ៍របស់លោក សយ សុភា៖

ថ្លែងក្នុងកិច្ចប្រជុំស្តីពីការថែទាំ ព្យាបាលជំងឺអេដស៍ នៅមជ្ឈមណ្ឌលជាតិ គាំពារកុមារ ប្រធានមជ្ឈមណ្ឌលជាតិ ប្រយុទ្ធនឹងជំងឺអេដស៍ និងសើស្បែក លោកវេជ្ជបណ្ឌិត មាន ឈីវុន បានឱ្យដឹងថា អ្នកផ្ទុកមេរោគអេដស៍ពេញវ័យ ចំនួនប្រមាណ៩៥ ភាគរយ នៅតែស្រឡាញ់ចូលចិត្តសេវាព្យាបាល និងថែទាំរបស់មន្ទីរពេទ្យកុមាជាតិ។ ការចូលចិត្តរបស់អ្នកជំងឺ ត្រូវបានលោកវេជ្ជបណ្ឌិត អះអាងថា ក៏ព្រោះតែសេវារបស់មន្ទីរពេទ្យកុមារជាតិ មានសិល្បៈធ្វើឱ្យពួកគេចូលចិត្ត។
យ៉ាងណាក៏ដោយ លោកវេជ្ជបណ្ឌិតបន្តថាស្ថានភាពចូលចិត្តរឬមិនចូលចិត្តនេះ គឺមិនអាចស្ថិតស្ថិរចីរកាលបាននោះទេ នោះក៏ព្រោះពួកគេឆ្លងដល់វ័យមួយទៀតទៅហើយ។

លោកមាន ជំនឿថាដើម្បីឱ្យអ្នកជំងឺទាំងនោះ ទទួលសេវាព្យាបាលបែបពេញវ័យវិញនោះ អ្នក ជំងឺត្រូវ ជួប ជាញឹកញាប់ជាមួយនឹងអ្នកផ្តល់ប្រឹក្សា សេវាថែទាំ និងព្យាបាលមនុស្សពេញ វ័យឱ្យច្រើនទៅប្រាកដជាអាចទៅរួចហើយ ។ (សំឡេង)។

កុមារផ្ទុកមេរោគអេដស៍ដែលទទួលបានសេវាថែទាំដោយឱសថ ប្រឆាំងមេរោគអេដស៍ មាន ៤២៦៦នាក់ គិតត្រឹមពាក់កណ្តាលឆ្នាំ២០១១នេះ។ រីឯសេវាព្យាបាល និងថែទាំកុមារផ្ទុកមេរោគ អេដស៍មកដល់សព្វថ្ងៃមានចំនូន៣៣កន្លែង ទូទាំងប្រទេស។ ចំណែកសេវាព្យាបាល និងថែទាំ មនុស្សពេញវ័យនៅទូទាំងប្រទេសមានចំនូន៥៩កន្លែង។

យ៉ាងណាក៏ដោយ តាមការប៉ាន់ប្រមាណអាត្រាប្រេវ៉ាឡង់ឆ្លងមេរោគអេដស៍ខ្ពស់ មាននៅ តំបន់ពាយព្យ គឺខេត្ត បន្ទាយមានជ័យ និងបាត់ដំបង់ ហើយតំបន់មួយចំនួនទៀត គឺនៅ រាជ ធានីភ្នំពេញ កោះកុង និង ព្រះសីហនុ សរុប មានពី០,២៥ ទៅ០,៤៨ភាគរយ។ ចំណែកតាមបណ្តាខេត្ដដទៃទៀត អាត្រាប្រេវ៉ាឡង់ឆ្លងមេរោគអេដស៍ មានពី ០,០១៥ ទៅ០,៣០ភាគរយ។ នាពេលបច្ចុប្បន្ននេះ អត្រាប្រេវ៉ាឡង់មេរោគអេដស៍ ក្នុងចំណោមប្រជាជនទូទៅពីអាយុ ១៤-៤៩ឆ្នាំ មាន០,៨ភាគរយតែប៉ុណ្ណោះ។

ប្រទេសកម្ពុជា ដែលចាប់ផ្តើមមានជំងឺអេដស៍ឆ្លងនៅដើមទសវត្សរ៍ឆ្នាំ៩០នោះ ត្រូវអង្គការ សហប្រជាជាតិ វាយតម្លៃថាជាប្រទេសនាំមុខគេមួយលើពិភពលោក ដែលអាចកាត់បន្ថយ អាត្រាឆ្លងមេរោគអេដស៍ បានច្រើនជាងគេ៕

(របាយការណ៍ដោយ សយ សុភា)

Tags: ជំងឺអេដស៍, រោគអេដស៍, សេវាព្យាបាល, អាត្រាប្រេវ៉ាឡង់ឆ្លងមេរោគអេដស៍, អ្នកជំងឺ

Soysophea's Weblog

ការ​ប្រារព្ធខួប​លើក​ទី​៥៨ នៃ​ទិ​វា​បុណ្យ​ឯករាជ្យ​ជាតិ

ប៊ូអ៊ីង តម្លើង​យន្តហោះ ប្រភេទ៧៧៧ ទី១០០០​​ របស់ខ្លួន

យីងឡាក់ នឹងមិនលាលែងដោយសារវិបត្តិទឹកជំនន់នោះទេ

ប្រជាពលរដ្ឋ រាប់ពាន់នាក់ ចុះឈ្មោះចូលរួម តាមដានដោយផ្ទាល់ សវនាការលើ​អង្គ​សេច​ក្តី សំណុំរឿង០០២

ម៉ាឡេស៊ី សង់ផ្ទះលក់ សម្រាប់អ្នកជីវភាពមធ្យម

កិច្ចប្រជុំថ្នាក់រដ្ឋមន្រ្តី​ក្រសួងយុត្តិធម៌ និងអគ្គរដ្ឋអាជ្ញាអាស៊ាន​ចាប់ផ្តើមនៅកម្ពុជា

រន្ទះបាញ់ប្រល័យជីវិតមនុស្ស១៥៧ នៅកម្ពុជា

ការពង្រឹងសមត្ថភាពគរុនិស្សិតមុនចេញទៅបង្រៀន

អ្នក​ផ្ទុក​មេរោគ​អេដស៍ ​ចង់​បាន​សេវាកម្ម​ថែ​ទាំ​ដូច​កុមារភាព

ការប្រារព្ធខួបលើកទី៥៨ នៃទិវាបុណ្យឯករាជ្យជាតិ

ប៊ូអ៊ីង តម្លើងយន្តហោះ ប្រភេទ៧៧៧ ទី១០០០ របស់ខ្លួន

ប្រជាពលរដ្ឋ រាប់ពាន់នាក់ ចុះឈ្មោះចូលរួម តាមដានដោយផ្ទាល់ សវនាការលើអង្គសេចក្តី សំណុំរឿង០០២

កិច្ចប្រជុំថ្នាក់រដ្ឋមន្រ្តីក្រសួងយុត្តិធម៌ និងអគ្គរដ្ឋអាជ្ញាអាស៊ានចាប់ផ្តើមនៅកម្ពុជា

អ្នកផ្ទុកមេរោគអេដស៍ ចង់បានសេវាកម្មថែទាំដូចកុមារភាព